GARY VALENCIANO AT JIM PAREDES
GUSTONG yakapin ni Gary Valenciano si Jim Paredes at ang iba pang miyembro ng pamilya nito matapos masangkot sa video scandal.
Hindi rin daw idya-judge ni Mr. Pure Energy ang veteran OPM singer bilang isang tao nang dahil sa nagawa nitong pagkakamali.
Nagsalita si Gary tungkol sa kinasangkutan kontrobersya ni Jim Paredes sa nakaraang presscon ng kanyang concert sa Amerika na magaganap ngayong buong buwan ng Abril, ang “He’s Back: Gary V. U.S. Tour.”
“You know, I can never look at anybody regardless of what he or she has done and then judge them based on that.
“Kasi, lahat ng mga reactions ng mga tao, lahat ng ginagawa ng mga tao, whatever people do, whatever I do, there are many, many other things kung bakit nagkakaganu’n ang isang tao,” simulang pahayag ni Gary V.
Pagpapatuloy niya, “So ako, pati yung mga criminal naman, dapat nabibigyan ng tamang proseso para malaman kung guilty o hindi. Pero kahit na guilty ang isang tao, with me kasi, ang dami-raming beses ko nang naging guilty sa iba’t ibang dahilan, but I’ve been given a chance.
“I believe that I’m still on the road to recovery in many, many ways. Masasabi ko lang, it’s not for me to judge.”
Siyempre, affected din si Gary kahit paano sa nangyari kay Jim dahil kaibigan niya ang singer, “Well, as an OPM singer, siyempre malungkot ako sa nangyari sa kanya. But, kung walang mga katulad ko ngayon that can tell him, ‘I’m still here for you and your family,’ sino ka?
“Kung yun ang mangyari sa akin, I would love to have even one person to be able to come up to me and say, ‘You know what, let’s stick together.’
“I don’t know kung paano siya makaka-recover rito, but those are hard realizations. But I know, with me kasi, if God has given me chances before, I can do the same for somebody like Jim Paredes who has touched many lives through his songs. He’s not perfect,” aniya pa.
“I’m choosing to be there also, not just for him. Kasi marami ang nagsasabi, ‘kawawa naman ang misis niya, yung ganito..’. I know. That’s why I wanna be there for them, not just for him,” sabi pa ni Mr. Pure Energy.