BOOBAY AT TEKLA
Speaking of Tekla, alam n’yo ba na bago niya narating ang tinatamasang tagumpay ngayon ay napakaraming pagsubok muna ang kanyang pinagdaanan at hinarap.
Isa na riyan ang apat na buwan niyang pagtira sa kalsada. Ikinuwento ni Tekla ang tungkol dito sa panayam sa kanya ng digital show ng GMA na Kapuso ArtisTambayan.
“‘Yun ‘yung total ground zero, kasi I had a serious depression. Napakabigat na depression at hindi ko siya kinaya. Wala akong circle of friends na puwedeng mapuntahan. Pariwara, parang ganu’n.
“Naramdaman ko dati na parang wala ng hope. Pero sabi ko, if you’re really true, ’yung nasa taas, prove it.
“And then may instrument na ibinigay Siya sa akin, isang tao na maghe-help sa akin para malampasan ko lahat ng mga challenges sa buhay. Dahil sa kanya, nabigyan ulit ako ng chance to stand up, para mabago ang takbo ng buhay ko,” pahayag ni Tekla.
Nagpayo din siya sa mga taong madaling sumuko sa mga pagsubok, “Huwag kayong mawawalan ng pag-asa, kasi nandiyan lang Siya. Just hold on, lalo na kung may talent ka. ‘Yang talento mo, ‘yan ang magbibitbit sa ‘yo sa tagumpay. Kaya laban lang laban.”
Bukod sa TBATS, mapapanood na very soon ang launching movie ni Tekla na “Kiko en Lala” under GMA Films kung saan makakasama niya sina Derrick Monasterio, Kim Domingo, Kiray, Jo Berry at marami pang iba.