DEREK RAMSAY
MAY isang mahalagang rason si Derek Ramsay kung bakit tinanggap niya ang offer ng GMA 7.
Pumirma ng exclusive contract ang aktor kamakailan sa Kapuso Network and anytime soon ay sisimulan na ang taping ng unang teleserye niya sa istasyon, ang The Better Woman, kung saan makakatambal niya si Andrea Torres.
Ayon kay Derek, nagpapasalamat siya sa GMA dahil talagang hinintay ng network ang kanyang pag-oo kahit na nga medyo natagalan ang kanyang pagdedesisyon.
Balak na sana niyang umalis pansamantala sa showbiz dahil plano niyang i-pursue ang pagiging isang professional golfer at bukod dito naoperahan pa siya sa kanyang likod.
“They gave me the time to prepare my mind, my body to start working here in GMA,” ani Derek.
“The way they approached me and my family, it was with so much respect,” pahayag pa ng hunk actor. Aniya mismong ang mga magulang niya ang nagsabing kailangan niyang tanggapin ang alok ng Siyete.
Isa pa sa nagustuhan ni Derek sa GMA ay ang katapangan ng network na gumawa ng mga kakaiba at hindi “formula” na mga teleserye.
“What I noticed with Kapuso is you guys like to take risks. It’s not just the same thing put on the table all the time. I love the fact that they take risks,” sey ni Derek. Ganu’n din daw kasi siya sa tunay na buhay, mahilig mag-experiment.
“That’s what I do with my life. It gets me in trouble. But you know what? It’s gotten me to where I am, because the bigger the risk you take, the bigger success.
“If you fail, you can learn from that mistake so that you don’t make it again the next time you take a big risk,” paliwanag pa ng bagong Kapuso actor.
Naniniwala rin ang aktor na nasa GMA ang mga hinahanap niya na mas magbibigay challenge sa kanya bilang artista.
“I’m a risk taker. I like challenging projects. I like to try new things. That’s what I know GMA can provide,” aniya.