Kapuso actor kinasuhan kaugnay ng pekeng driver’s license

NAHAHARAP sa kasong kriminal ang Kapuso actor na si Migo Adecer dahil sa pekeng driver’s license.

Pormal nang kinasuhan ng Makati City Police si Adecer sa Makati City Prosecutor’s Office kaugnay ng paglabag sa Article 172 ng Revised Penal Code o falsification by private individuals and use of falsified documents.

Matatandaang naaresto si Adecer, Douglas Errol Dreyfus Adecer sa tunay na buhay at winner ng celebrity talent search Starstruck, noong isang linggo matapos na mabangga ang dalawang empleyado ng Metropolitan Manila Development Authority (MMDA).