2 holdaper arestado sa Edsa-Makati

ARESTADO ang dalawang pinaghihinalaang holdaper na nambiktima ng mga pasahero ng isang public utility bus sa kahabaan ng Edsa sa Guadalupe Viejo, Makati City Lunes ng gabi.

Kinilala ang mga suspek na sina Regie Inventor at Carlo Bacsal.

Hinoldap ng mga suspek at dalawang iba pang kasabwat ang mga pasahero ng Kimgsam bus sa southbound ng Edsa at kinuha ang kanilang ari-arian.

Nang makarating ang bus sa Estrella st., humingi ng tulong ang mga pasahero sa mga nagpapatrolyang pulis.

Matapos ang bahagyang habulan, naaresto sina Inventor at Bacsal.

Narekober mula sa kanila ang 9-pulgadang fan knife, 16–pulgadang itak, cellphone, maraming pitaka at pera.

Dinala ang mga suspek sa police station kung saan nahaarap sa kaukulang kaso.