JANINE GUTIERREZ
Trending din araw-araw ang mga pasabog ng GMA Afternoon Prime series na Dragon Lady ni Janine Gutierrez. Kuhang-kuha na kasi nito ang loob at atensyon ng mga manonood.
Puro papuri ang natatanggap ni Janine mula sa viewers at netizens dahil sa makatotohanan niyang pagganap bilang isang dalagang “isinumpa” na ngayon pa lang nakikita ang kasamaan ng mundo.
Komento nga ng ilang tumututok sa Dragon Lady, ilang beses na silang pinaiyak ni Janine sa mga madadramang eksena nito sa serye, lalo na nang sunud-sunod na kamalasan ang inabot niya nang makalabas na siya ng bahay makalipas ang maraming taong pagtatago.
Patuloy na tutukan ang Dragon Lady tuwing hapon sa GMA after Eat Bulaga. Kasama pa rin dito sina Tom Rodriguez, Edgar Allan Guzman, Joyce Ching, Diana Zubiri, James Blanco at marami pang iba.