Anne may hiling sa GMA 7 para kay Jasmine

PINANOOD ni Anne Curtis ang eksena ng kapatid na si Jasmine Curtis-Smith sa bagong Kapuso primetime series na Sahaya.

Naintriga kasi si Anne sa tweet ng kanyang sister kung saan nagpatikim ito tungkol sa favourite scene niya sa Sahaya na pinagbibidahan nina Bianca Umali at Miguel Tanfelix.

Matapos mapanood ang nasabing eksena, nag-tweet din si Anne ng, “Watched this highlight video of my Sestra for her performance in Sahaya. Hi, GMA. More roles like this for my amazing actress of a Sestra.
“Love you. Napakahusay mo talaga!!!”

Special guest si Jasmine sa Sahaya, kapag lumabas na ang character ni Bianca Umali, si Mylene Dizon ang lalabas bilang older Jasmine.