INAKALA ng ilang netizens na may bagong boyfriend na si Lovi Poe base sa ipinost niyang foto sa Instagram. Kasama niya sa litrato ang isang guwapong foreigner.
Pero kinorek ito ng isang netizen at sinabing may girlfriend na ang nasabing guy.
Wala kasing pangalang inilagay si Lovi sa caption. Basta ang sabi niya about the picture, “ Bash and Bashful.”
Napag-alaman namin na ang lalaki ay ang Canadian-American actor na si Torrance Coombs na na-meet ng Kapuso actress sa Westwood, Los Angeles habang nagbabakasyon.
Ang foreign actor ay lumabas bilang si Bash sa US TV series na Reign. Inggit much naman sa post ni Lovi sina Julie Anne San Jose, Andi Manzano at Chie Filomeno.
May permiso ng GMA Network ang pagbabakasyon ni Lovi sa ibang bansa kaya ngayong nakabalik na siya sa Pilipinas, abangan ang bagong series na gagawin niya sa GMA.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.