NAGBUBUNYI ang AlDub Nation dahil tuluy na tuloy na ang paglabas ni Alden Richards sa Kapuso sitcom na Daddy’s Gurl.
Kinumpirma mismo nina Alden at Maine Mendoza ang pag-eksena ng Pambansang Bae sa sitcom nang interbyuhin sila sa 24 Oras ni Aubrey Carampel.
Hindi nga lang muna nila ibinuking kung anong date ang paglabas ni Alden sa programa. Basta ayon sa dalawang Dabarkads, ngayong buwan ng Marso nila mapapanood ang nasabing episode.
Gaganap si Alden bilang si Aldrich, ang high school crush ni Maine na gumaganap naman bilang si Stacy.
Siguradong matutuwa ang mga manonood at ang AlDub fans sa magiging role ni Alden sa Daddy’s Gurl dahil napasabak din ang Kapuso heartthrob sa pagsasalita ng may punto bilang isa rin siyang Batanggenyo.
Ayon pa sa Phenomenal Star, matagal nang hiling ng fans nila na mag-guest si Alden sa DG, “So ito na ‘yon!” saad ni Maine.
Ngayong araw naman magaganap ang bonggang birthday episode ni Meng sa Eat Bulaga. Pasabog na naman tiyak ang mga ganap sa longest-running noontime show sa Asia kaya ‘yan ang dapat n’yong abangan.