MAINE MENDOZA AT ALDEN RICHARDS
BEAST mode muli ang AlDub Nation sa Twitter kahapon.
Aba, tatlong magkakaibang hashtags ang gamit nila sa kada tweet kaya naman pasok sa top 10 trending topic ang kanilang mga bagong paandar, huh!
Isa na riyan ang hashtag na #ALDUB189thWeeksay na as of this writing ay may 218K tweets na. Kasunod nito ang hashtag na #ALDUBxDGArtisTambayna humamig na ng mahigit 164K tweets habang sinusulat namin ang balitang ito kahapon.
Ang hashtag naman na #DADDYSGURLWithALDNOnKAT ay may 53K plus tweets na rin at posibleng pumalo pa sa 100K sa darating na Sabado kapag umere na ang Daddy’s Girl.
Umapir kahapon sa Kapuso Artistambayan sa Facebook Live sina Alden Richards at Maine Mendoza kasama ang ilang cast members ng Daddy’s Gurl.
Isa itong magandang senyales para sa ADN ang pagsasama muli ng kanilang mga idolo sa FB Live para sa ipinagdarasal nilang pagtatambal muli sa mas malaking proyekto.
Para sa biggest fandom, beautiful day ang balitang may FB Live sina Meng at Alden, huh!
Although wala pang kumpirmasyon, feeling ng ADN ay si Alden ang special guest sa birthday episode ngayong Sabado sa sitcom ng GMA.
Winner talaga ang ADN dahil nasa Top 3 sa Twitter ang hashtags na mga ginamit nila para sa mga ganap sa career ng AlDub.
But wait! There’s more dahil ngayong Sabado rin ang birthday presentation ng Phenomenal Star sa Eat Bulaga.
Siguradong mambubulabog na naman sa social media ang ADN bukas para suportahan ang birthday celebration ng Dubsmash Queen sa EB.
Abangan din ang bonggang surprise ng mga Dabarkads para kay Meng at siyempre tutukan din kung may pasorpresa rin si Alden sa kanyang ka-loveteam.