NAARESTO ng pulisya ang apat na lalaki na sangkot umano sa pagpatay sa isang kapitana na tumatakbo sa pagkakongresista sa Quezon City.
Kinilala ang mga suspek na sina Teofilo Formanes at ang magkakapatid na sina Ruel Juab, Orlando Juab at Joppy Juab.
Pinaghahanap naman ang dalawa pang kasama nila na sina Warren Juab at Dutchboy Bello.
Ayon sa pulisya inaresto rin nila ang limang lalaki na nagtangkang harangin ang mga pulis sa pag-aresto sa mga suspek.
Sakay ng kanyang SUV si Crisell Beltran, kapitana ng Brgy. Bagong Silangan, ng pagbabarilin ng mga suspek na nakasakay sa mga motorsiklo noong Miyerkules.
MOST READ
LATEST STORIES