HINOLDAP ang isang Chinese national ng driver ng taxi na kanyang sinakyan at dalawang kasabwat sa Pasay City, ayon sa pulisya.
Sa ulat ng Southern Police District, sinabi nito na galing ang biktimang si Ye Han Chai, 21, sa isang Chinese restaurant, sumakay ng taxi at nagpahatid sa isang hotel sa Parañaque City noong Biyernes.
Imbes na sundin, dinala ang biktima malapit sa isang mall sa Pasay City kung saan naghihintay ang dalawa pang kasabwat.
Sumakay ang mga suspek sa taxi at kinuha ang pera at mga mobile phone ng biktima at sinaksak pa ito.
Idinagdag ng pulisya na dinala ang biktima sa San Juan De Dios Hospital.
Nagsasagawa pa ng operasyon ang mga pulis laban sa mga suspek
MOST READ
LATEST STORIES