Updated: Cagayan niyanig ng magnitude 5.5 lindol

NIYANIG ng magnitude 5.5 na lindol ang Cagayan ngayong hapon, ayon sa Philippine Institute of Volcanology and Seismology.

Naramdaman ang lindol alas-4:34 ng hapon. Ang epicenter nito ay 27 kilometro sa kanluran ng Calayan. May lalim itong 24 kilometro.

Naramdaman ang Intensity IV sa Laoag City; Bacarra, Pasuquin, at Vintar, Ilocos Norte.

Intensity III naman sa Cervantes, at Sinait, Ilocos Sur

Intensity II sa Peñablanca, Cagayan at Intensity I sa Vigan City.

Posible umanong magkaroon ng aftershock ang pagyanig na ito bagamat mahina para magdulot ng pinsala.