MIKA DELA CRUZ AT BARBIE FORTEZA
Hindi pa man nagsisimulang umere sa primetime, mainit nang pinag-uusapan ang upcoming serye nina Barbie Forteza at Mika dela Cruz na Kara Mia.
Kwento ito ng magkapatid na Kara (Barbie) at Mia (Mika) na ipinanganak na may Disprosopus or craniofacial duplication, isang congenital defect kung saan mayroon silang dalawang mukha pero isa lang ang katawan.
Sa katunayan, iba’t ibang memes na ang kumalat online patungkol sa programa. Maging si Mika ay naintriga sa concept ng kanyang bagong show sa GMA, “Well sa totoo lang nakakaintriga naman kasi talaga and it also took us awhile to get used to the idea.
“We found it quite creepy also at first but when you go deeper into the story du’n mo maa-appreciate, eh. It’s special, it’s unique at naniniwala akong makikita din nila yun,” aniya pa.
Kaya naman todo abang na ang fans sa nalalapit na pagsisimula ng Kara Mia kung saan makakapareha ni Barbie ang kanyang boyfriend na si Jak Roberto habang si Paul Salas naman ang makakatambal ni Mika.