Pulis sumemplang, patay

NASAWI ang isang pulis matapos sumemplang ang sinakyan niyang motorsiklo, sa Tayabas City, Quezon, Huwebes ng madaling-araw.

Dead on arrival sa ospital si PO3 Russel John Pasno, residente ng Mauban at nakatalaga sa pulisya doon, dahil sa pinsala sa ulo, ayon sa ulat ng Quezon provincial police.

Naganap ang insidente dakong alas-12:45, habang bumibyahe si Pasno pabalik sa Mauban.

Pinaniniwalaang sumemplang sang sasakyan ni Pasno dahil madulas ang kalsada bunsod ng mga pag-ulan, ayon sa pulisya.