Maymay nagpaka-fan girl sa ‘sexiest’ Kapuso actress

HINDI napigilan ng Kapamilya young actress na si Maymay Entrata ang magpaka-fan girl nang makita up close and personal si Marian Rivera.

Dumating ang Kapuso Primetime Queen sa special screening ng 2018 Metro Manila Film Festival 2018 entry na “Fantastica” para suportahan si Dingdong Dantes na leading man ni Vice Ganda sa pelikula.

May special appearance rin kasi si Marian sa movie na siguradong ikatutuwa ng mga manonood.

Sa nasabing special screening para sa entry nina Vice, Dingdong at Richard Gutierrez sa MMFF ay nakilala nga ni Maymay si Marian kaya naman sinamantala na niya ang pagkakataon na makapagpa-selfie kay Marian. Kasama rin si Maymay sa “Fantastica” with her partner Edward Barber.