TNT BOYS: FRANCIS CONCEPCION, MACKIE EMPUERTO AT KEIFER SANCHEZ
Very excited na sina Keiffer Sanchez, Francis Concepcion at Mackie Empuerto o mas kilala bilang TNT Boys sa nalalapit nilang first major concert sa Araneta Coliseum titled “Listen: The Big Shot Concert” on Nov. 30. Tiniyak ni Mackie sa amin na hindi masasayang ang pera ng mga bumili ng tiket sa kanilang concert.
“Ibibigay po namin ang aming best at ipapakita ang aming talent. Hiindi lang po ‘Listen’ yung kaya naming kantahin. Marami pa po kaming kayang gawin. May sorpresa rin po kami para sa lahat,” lahad ni Mackie.
Isa sa mga sorpresa ng TNT Boys ay ang paglabas ng kanilang Christmas album, ang “TNT Boys Christmastime” under TNT Records. May sariling bersyon sila ng most-loved classic Christmas songs gaya ng “Silent Night.”
Although, ayaw i-reveal ng TNT Boys ang detalye ng gagawin nilang performances sa concert, asahan na natin ang bonggang vocal showdown ng tatlong biriteros.
Special guests nila sa concert sina Jed Madela, Vice Ganda at K Brosas. Makakasama rin nila sina Sheena Belarmino, Krystal Brimmer, Noel Comia Jr., Chun-sa Jung, Marco Masa, Onyok Pineda, Esang de Torres at Xia Vigor.
Ang “Listen: The Little Big Shot” concert ay ididrek ni Bobet Vidanes.