Mega nagsakripisyo para sa concert ni Regine
NO doubt na sobrang big ng three-night concert na “Regine At The Movies” ng Asia’s Songbird na si Regine Velasquez-Alcasid na magsisimula ngayong Saturday, Nov. 17 sa New Frontier Theater sa Araneta Center, Cubao.
Ang mga guest nga kasi ay sina Piolo Pascual (Nov. 17), ang Megastar na si Sharon Cuneta (Nov. 24) at Daniel Padilla (Nov. 25).
Selling like hotcakes nga ang tickets for the three show at para huwag maubusan, better check sa Tickenet outlets, (911-5555) o mag-check online (tickenet.com).
Nang makausap namin si Cacai Velasquez-Mitra, Regine’s sister and manager at producer ng “Regine At The Movies,” heto ang nasabi niya, “Nauna kasing lumabas ‘yung with Piolo and then ‘yung with Sharon. Then ‘yung dinagdag na araw kasi, ‘yung with Daniel na November 25. Mabili rin ‘yon.”
Nang ma-release kasi ang tickets para sa first two shows, ang bilis agad ng bentahan, kaya dinagdag nila ‘yung third night. At nang i-announce rin na si Daniel ang magiging guest, lalo pang lumakas ang benta ng tickets.
Since pare-parehong big stars sina Piolo, Sharon at Daniel, naglalakihan din ba ang kanilang talent fee?
“Hindi pinag-usapan ang tungkol sa TF. In fairness, no talks about TF talaga! Ang naging problema pa namin, ‘yung schedules nu’ng tatlo para nga magtugma sa araw na magge-guest sila.
“Naayos naman, kaya si Piolo, nasa November 17, then si Sharon sa November 24 at si Daniel nga sa November 25. Yung kay Sharon nga, sobrang thankful talaga kami ni Ate dahil dapat nasa Hong Kong na siya that day, pero nag-adjust siya ng sobra.
“Ginawa niyang November 25 ng morning ang flight niya para mapagbigyan nga niya kami. Eh, November 25 mismo ‘yung show niya sa Hong Kong, kaya sobrang sacrifice ang ginawa ni Sharon, kaya sobrang nakakabilib at nakaka-touch!” sabi ni Cacai.
Dahil Kapamilya na nga si Regine, ang media partner ng concert ay ABS-CBN at co-presentors ang PLDT Home, Belo Group at GAOC Dental at major sponsor naman ang Jollibee at minor sponsors ang 81 Seihai, Jkas Catering & Services at Ryu Ramen.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.