RICO PUNO
INIHATID na sa kanyang huling hantungan ang tinaguriang “OPM legend” at total performer na si Enrico De Jesus Puno na mas kilala sa pangalang “Rico J. Puno,” sa Heritage Park sa Taguig City, kaninang umaga.
Inilabas ang labi ni Rico J mula sa Sanctuario de San Antonio sa Forbes Park at nagsagawa pa ng Motorcade sa kahabaan ng JP Rizal Street patungo sa lumang City Hall dakong 5:28 ng umaga.
Bago inihatid sa himlayan dakong alas-10 ng umaga,dinala ang mga labi ni Rico J sa lumang gusali ng Makati City Hall upang masulyapan sa huling pagkakataon ng mga tagahanga sa isinagawang public viewing bandang alas-6 ng umaga.
Sumikat si Rico J. noong dekada 70’s sa mga awiting Kapalaran, Macho Guwapito, Bawal na Pag-ibig m, Lupa at iba pa na tumatak sa puso ng mga Pilipino.