2 maghahati sa P1.1B jackpot ng Ultra Lotto 6/58

IKAW ba ang isa sa dalawang nanalo ng P1.1 bilyong jackpot ng Ultra Lotto? Aba’y tingnan na ang iyong tiket.
May nanalo na Linggo ng gabi sa pinakamalaking jackpot prize sa kasaysayan ng lotto sa bansa, ayon sa Philippine Charity Sweepstakes Office.

Ang winning number combination sa bola ay 40, 50, 37, 25, 01, 45. Nagkakahalaga ng P1,180,622,508 ang kabuuang jackpot prize na paghahatian ng dalawang nanalo.

Noon pang Pebrero 18 walang tumatama ng jackpot prize ng Ultra Lotto kaya lumaki na ito. Ito ay binobola tuwing Martes, Biyernes at Linggo.