Alden laban kung laban, walang reklamo sa patayang trabaho

Bilib na bilib sina Chynna Ortaleza at Dion Ignacio sa sipag at dedikasyon sa trabaho ni Alden Richards.

Nasaksihan nila ito dahil sila ang pamilya ng Pambansang Bae sa Kapuso primetime series na Victor Matanggol.

“Kaya kami, wala kaming karapatang mag-demand ng cut off. Si Alden, maagang dumarating sa set at umaga na natatapos pero wala kaming narinig ni katiting na reklamo na umaayaw na siya,” pahayag ni Chynna nang pasyalan ng press sa set ng fantaserye.

Palibhasa, magkapatid ang role nina Alden at Chynna sa series, madalas na siya ang napaglalaruan ng Pambansang Bae lalo na kapag magti-take na ng action scenes.