KONTROBERSIYAL at maingay na pinagpipistahan ngayon ang isang female personality na bumibida sa kuwentong ito. Palagi siyang laman ng mga pahayagan ngayon at siya rin ang pinagkukuwentuhan sa kahit anong umpukan.
May mga sumasaludo sa kanya, pero marami ring humuhusga sa kanyang katapangan, siya nga at wala nang iba pa ang bidang-bida sa istoryang ito.
Kuwento ng aming source, “Naku, inuyat ang babaeng ‘yun! May zipper ang bulsa at wallet nu’n! Napakahilig niyang magpaganda, magpa-sexy at lahat-lahat na, pero wala siyang kunsiderasyon!
“Imagine, sa haba ng services na kinakailangan niyang pagdaanan sa isang skin clinic, e, ni hindi man lang niya binibigyan ng pabuya ang mga nag-aasikaso sa kanya!
“Nagpapasarap siya du’n at talagang napakalaking tulong sa gusto niyang ma-achieve ang mga tauhan ng clinic, pero wala siyang pakialam!” simulang chika ng aming impormante.
Kuripot nga ang seksing babae, pagkatapos niyang magpagawa ay basta na lang siya lalayas, ni hindi man lang niya bigyan ng butong-pakwan ang mga gumagawa sa kanya.
“Okey lang naman kung talagang wala siyang alam sa pagbibigay ng tip, pero naman! Halos buong hapon siyang ginagawa sa skin clinic, wala pa rin siyang pakialam?
“Ex-deal na nga ang paggawa sa kanya, wala na siyang binabayarang kahit ano, pati ba naman tip para sa paghihirap ng mga tauhan ng skin clinic, e, dededmahin pa rin niya?
“Hindi naman sapilitan ang pagbibigay ng tip, kusa naman ‘yun, pero wala ngang kakusa-kusa ang babaeng ‘yun! Paplantsa siya nang paplantsa ng mga taba-taba niya sa katawan, paseksi siya nang paseksi, pero wala man lang siyang ibinibigay na pampakonsuwelo sa mga gumagawa sa kanya!
“Naku, ‘no! Kung gaano siya katipid sa mga isinusuot niya na wala pa yatang kalahating yarda, e, ganu’n din siya kakuring sa mga ipinagagawa niyang kung anu-ano sa katawan niya!
“Pulido naman ang serbisyong ibinibigay sa kanya, pero wala siyang pagpapahalaga, ganu’n katindi ang kakuringan ng controversial female personality na ‘yun!” nakataas ang kilay na pagtatapos ng aming source.
Bradly Guevarra at Tita Nene Ulanday, wala nang kailangang clue, bigay na bigay na ang pagkakakilanlan sa babaeng itey!