Ateneo de Iloilo binulabog ng bomb threat

KINANSELA ang klase sa Ateneo de Iloilo sa Mandurriao, Iloilo, dahil sa bomb threat, ayon sa ulat ng dzMM Teleradyo.

Ganap na alas-11 ng umaga inihayag ng unibersidad ang suspensyon ng klase at sinabihan ang mga estudyante na lumikas, dahilan para sunduin ng mga magulang ang kanilang anak.

Ipinag-utos ng Public Safety and Traffic Management Office na isara ang mga kalsada para hindi makadaan ang mga sasakyan.

Iniimbestigahan na ng Iloilo City Explosive and Ordinance Division ang insidente.