Jackpot sa Ultra Lotto 6/58 P825M na

WALA pa ring tumama sa jackpot ng Ultra Lotto 6/58 kayat posibleng umakyat sa P825 milyon ang jackpot prize sa bola bukas ng gabi (Martes).

Pinamalaking jackpot prize na ito sa kasaysayan ng lotto sa bansa.

Sinabi ng Philippine Charity Sweepstakes Office walang tumama sa winning number combination na 34-30-32-20-03-23 sa bola Linggo ng gabi. Umabot sa P809.3 milyon ang jackpot prize.

Nanalo naman ng tig-P92,980 ang 95 mananaya na nakakuha ng limang lumabas na numero.

Tig-P1,620 naman ang 4,343 mananaya na nakakuha ng apat na numero at tig-P20 naman ang 103,962 mananaya na nakatatlong numero.

Ang Ultra Lotto ay binobola tuwing Martes, Biyernes at Linggo.