Regine gusto raw makatrabaho si Sarah sa paglipat ng ABS-CBN

SPEAKING of The Clash, tanong ng mga Kapuso viewers, ito na nga kaya ang huling reality singing search na iho-host ni Regine Velasquez sa GMA dahil balitang tuloy na tuloy na ang paglipat niya sa ABS-CBN?

Iiwan na rin daw ng Songbird ang Sarap Diva dahil balitang nag-last taping daw na siya sa kanyang weekly cooking show.

Ayon sa isang source, looking forward na raw si Regine na makapagtrabaho sa ABS-CBN, at isa raw sa mga inaasam ng Songbird ay ang makatrabaho si Sarah Geronimo.