Debut album ni Maine malapit nang matapos, sana umabot sa Pasko
MALAPIT nang ma-achieve ni Maine Mendoza ang pagtatapos ng kanyang debut album under Universal Records.
Todo-record na siya ng mga kantang lalamanin nito na hopefully ay lumabas bago matapos ang taon.
Magandang Christmas gift nga naman ito ng Dubsmash Queen para sa kanyang mga fans.
Sa isang interview kay Meng na inilabas sa 24 Oras, nakapag-record na siya ng ilang ballads.
“Kasi ‘yun din naman ang thing ko pero siyempre, hindi naman puwede na ‘yung buong album ay ballad lang. Siyempre maglalagay rin kami ng upbeat songs.
“Gagawin naman naming pulido ang album para pag-release nito, matuwa naman sila. Hindi ‘yung makapag-release lang ng kanta,” pahayag ni Meng.
Matatandaang si Meng ang nag-compose at kumanta ng theme song ng movie nila ni Alden Richards na “Imagine Me & You.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.