NAG-ALALA ang Pinoy fans ng Korean singer-actress na si Sandara Park matapos itong sumailalim sa eye operation.
Mismong si Dara ang nag-post sa kanyang social media account tungkol sa pinagdaanan niyang eye surgery.
Ayon kay Sandara, nagkaroon ng “stye” sa kanyang mata kaya kailangang operahan agad. Ayon sa isang website, “stye is a bacterial infection of an oil gland in the eyelid.”
“I got a stye in my eye. I went to an ophthalmologist and undergone operation where they will squeeze it out,” post ni Dara.
Dagdag pa niya, “It was my first time doing it but it doesn’t hurt that much. But since it’s my eyes, it made me feel frustrated, dizzy and scared.”
Pinaalalahanan din niya ang kanyang followers na maging conscious sa kanilang kalusugan at magpa-check up regularly, “People with weak immune system should take care of themselves. I should show up with a health self! Don’t worry.”
Samantala, isang fan ang nag-tweet at nagtanong kung makaka-attend pa si Sandara sa inaabangang Paris Fashion Week. Tugon ng Korean star, “I will recover before PFW. I can’t walk well wearing the eye patch, dizzy dizzy.”