7 BIFF patay sa Maguindanao shelling –Army

PITONG kasapi ng Bangsamoro Islamic Freedom Fighters ang pinaniniwalaang napatay nang paputukan ng kanyon ng mga tropa ng pamahalaan ang umano’y kuta ng bandidong grupo sa Sultan Sa Barongis, Maguindanao, ayon sa militar Martes.

“We are now validating the initial report of seven casualties among the bandits,” sabi ni Capt. Arvin Encinas, public affairs officer ng Army 6th Infantry Division, sa isang text message.

Isinagawa ng mga kawal ang operasyon sa Sitio Kabasalan, Brgy. Darampua, mula alas-11 ng umaga hanggang dakong alas-10 ng gabi Lunes, aniya.

Naganap ito sa bisperas ng Eid’l Adha o Feast of Sacrifice, isa sa mga pangunahing holiday ng Islam.

“It was a surgical operation utilizing our mortars and 105-millimeter howitzers,” ani Encinas.

Kabilang sa mga napatay ang isang alyas na “Abdullah,” na isa umanong sub-commander ng BIFF, ayon sa inisyal na impormasyon ng miilitar.

Ang iba pa’y nakilala langsa mga alyas na “Rasul,” “Bayan,” “Hamdan,” “Abubakar,” “Tima,” at “Hairiya.”