MAKAKAULAYAW ni Dennis Trillo si Kim Chui sa gagawin nilang movie under Regal Entertainment, ang “One Great Love.”
First time nilang magkita sa ginanap na storycon ng pelikula na isinulat ni Gina Marissa Tagasa at ididirek naman ni Eric Quizon.
“Drama naman ito dahil ‘yung ibang movies na ginagawa ko ay action at comedy. Natutuwa ako na iba-iba ang projects na ibinibigay sa akin na puro quality,” panimula ni Dennis.
First time niyang makakapareha si Kim sa isang project.
“Yes. Siyempre excited. First time rin naming magkita kanina. Excited akong magsimula na ang shooting at makagawa ng magagandang eksena together,” saad niya.
Bukod sa movie with Kim si Dingdong Dantes naman ang makakasama niya sa isang GMA series.
Nagsama na silang dalawa noon sa teleseryeng Endless Love.
Natanong si Dennis kung paano na ‘yung plano nila ni Jennylyn Mercado na magbakasyon sa dami ng trabaho niya?
“Meron naman po. Pinlano namin ‘yon para maka-relax. Magte-temple hunting lang kami. Hindi Asian. Basta may isang lugar lang kaming pupuntahan,” saad pa ng premyadong aktor.
Sa pahayag ni direk Eric, malayo sa comfort zone ni Kim ang gagampanan niyang role sa “One Great Love”. Binasa raw niya ang script habang nasa eroplano.
“Seryoso ang tema. Excited ako na may ganitong material na in-offer. Iba naman,” say ni Kim sa storycon.
So handa na siyang makipag-kissing scene kay Dennis? “Lagi naman po. Nagawa ko na ‘yon sa ibang movies ko,” tugon ni Kim.
Bukod kay Dennis, makakasama rin ni Kim sa nasabing pelikula ng Regal sina JC de Vera, Miles Ocampo at Marlo Mortel.
q q q
Hindi nagpadaig ang fans ni Alden Richards na paabutin ng mahigit 1 million tweets ang gamit na hashtag para sa pilot telecast ng fantasy series niyang Victor Magtanggol na nagsimula nu’ng Lunes.
Kaya si Alden, nag-tweet agad bilang pasasalamat sa kahat ng nanood sa pilot episode ng VM, “Taos pusong pasaalamat po sa inyong lahat. God bless.”
Natupad na rin sa wakas ang isang pangarap ni Alden na makaganap bilang isang superhero. Eh, marami rin kasi ang nagdasal para sa kanya na tangkilikin an dream project niyang ito.
Sanib-puwersa rin kasi ang halos lahat ng Kapuso artists sa pagtulong sa promotions sa social media ng unang episode ng VM kaya nadagundong nang todo ang Twitter PH!