ALDEN RICHARDS
Masisilip na ang pinaghirapang porma ng katawan ni Alden Richards simula bukas sa superhero series niyang Victor Magtanggol sa GMA after ng 24 Oras.
“Hubaran na ‘to!” Ha! Ha! Ha!” bulalas ni Alden nang makausap ng showbiz press matapos ang grand presscon ng VM recently.
Eh, sa VM, binigyan siya ng freedom ng GMA Network para maging bahagi ng creative process ng series.
Nalaman niyang puwede siyang maging parte ng creative aspect ng series nang kumuha siya ng workshop sa international acting coach na si Anthony Bova sa nakaraang biyahe niya sa New York City.
“Walang second thoughts mula sa boss ko sa GMA. They listened to my voice,” saad ng Pambansang Bae.
Lumalabas na gusto rin niyang maging director someday, huh!
“Naku, parang papunta din tayo doon, eh! Iba rin po ‘yung nagtatrabaho ka sa likod ng eksena at ikaw ‘yung umaarte. Ibang fulfilment din ‘yung maging director!” deklara ni Alden.
Makakasama rin ng Pambansang Bae sa Victor Magtanggol sina Andrea Torres, Janine Gutierrez, Coney Reyes, John Estrada, Maritoni Fernandez, Pancho Magno at marami pang iba directed by Dominic Zapata.
Good news naman na maraming fans si Alden ang nagsabing suportado nila ang pagtatambal nila ni Janine sa Victor Magtanggol dahil nababaitan daw sila sa dalaga. Naniniwala rin sila na trabaho lang ang lahat kaya walang personalan.