MAY pusibilidad na ang manlalaro ng Cleveland Cavaliers na si Jordan Clarkson ang maging flag bearer ng pambansang koponan ng Pilipinas sa darating na 18th Asian Games sa Indonesia.
Ito ay kung papayagan ng mother team nito sa NBA na maglaro siya para sa Gilas Pilipinas.
Ito ang isiniwalat ng isang mataas na opisyal ng Philippine Olympic Committee (POC) matapos na matanggap ang isinumiteng 18-man lineup ng Samahang Basketball ng Pilipinas (SBP) na maglalaro para sa Asian Games.
“A total of 18 names have been submitted by SBP to POC to compose the Gilas team to Asian Games among them is Jordan Clarkson and mostly Rain or Shine players. If Cleveland allows Clarkson to play for the Philippines, he will be our flag bearer in the Asiad,” sabi ng opisyal ng POC.
Dahil sa pagkakasusindi ng FIBA sa 10 manlalaro ng Gilas bunga ng kaguluhang naganap sa laro sa pagitan ng Pisas at Australia ay nagpalit ng lineup ang bansa para sa men’s basketball ng Asian Games na gaganapin sa Palembang at Jakarta, Indonesia mula Agosto 18 hanggang Setyembre 2.
Karamihan sa mga pangalan sa listahan ng Gilas ay mga players ng Elasto Painters. —Angelito Oredo