Kris nakiusap sa fans na huwag nang i-bash ang ABS-CBN: Ako na naman kasi ang mabubutasan!

MARAMING hugot na pinakawalan si Kris Aquino sa kanyang Instagram account nitong mga nakaraang araw. Ito’y may koneksyon sa kanyang pelikulang “I Love You, Hater” at sa mga taong patuloy na sumusuporta at nagmamahal sa kanya.

May mga nam-bash pero mas marami pa rin ang kumampi sa Social Media Queen, lalo na ang mga taong patuloy na naniniwala at umiidolo sa kanya. Narito ang ilang bahagi ng kanyang IG post.

“Warning Mahaba: Hindi po ako humingi ng favors for I Love You Hater because at this point- ayokong ilagay ang tinuturing kong KONTI pero totoong kaibigan sa alanganin. #satruelang i was disappointed sa 1st 2 days kasi ‘di nakakahiya yung finished product & i gave all to #Sasha. Mostly ayokong sirain ang box office track record ng #joshlia.

“Then Friday, 1 by 1 nag send ng pics through iMessage & Viber lahat ng kusang nanuod, mga barkada at pamilyang sabay2 nagbayad at nanuod.

“Then today habang binabantayan si kuya- may friend akong simpleng nagsabi na may pa block screening sya next week; may kaibigan na nanlibre ng staff of 20 para bonding nila, may mayor na pina happy ang constituents nya, may friends na umuwing Nueva Ecija & 18 silang nanuod, companies na nagpa abot regarding how many tickets they reserved for their employees.

“A designer friend said treat nya lahat ng workers nya to watch tomorrow, a PR company KCAP works with reserved 4 block screenings. 2 big bosses messaged last night to say they made time to watch.

“More friends & companies bought block screenings but their marketing bosses watched today w/ their families. Tapos dito ko naluha- 1 exceptional true friend simply messaged me- she bought 20 block screenings for her workers & their families in SM Cinemas next week.

“Di ako makapag SHARE ng lahat ng PAIN na tinago ko mula July 6 hanggang ngayon – dahil hindi lahat ng battles i fight you need to know (this time not for the Aquino name but for simply my name & copyrighted/trademarked signature KRIS) itinago dahil pinromise kay God at sa mga lawyers na shut up muna ako. Pero sa lahat ng nagparamdam na nasaan man ako nakatayo- my whole HEART says THANK YOU for making me feel #loved.”

Narito ang isa pa niyang IG post: “I promised myself- walang sisihan… marami pong pinagdaanan sa dati kong home network magmula nag contract signing hanggang mag showing ang

‘I Love You Hater’ pero NAPANINDIGAN na hindi magsalita kahit bugbog na bugbog na ang puso.
“Yung premiere night- meron po akong 8 layouts pa, pero si Bimb ang nagsabi: you need to attend Mama, the ones being mean to you aren’t the ones part of the movie. May last day of shoots ako today- pero ito yung gumising sa kin.

“Messages from followers & friends asking paano ba magpa block screening & yung last was a friend actually buying the whole screening for workers, friends, and family… i know why they are making this effort- simply to show me- na hindi ako nag-iisa.

“From my heart- you have my eternal gratitude. Pinangako ko rin na no names will be mentioned BUT i have to say this, only 2 former coworkers wished me well & they deserve this SHOUTOUT of gratitude- thank you @darla & @ericksalud.

“Those 2 messages you sent will forever be saved in my memory bank of ‘there are still true friends in this world’… Sa inyong lahat na gumagawa ng paraan para iparamdam sa kin that i matter to you- THANK YOU.”

q q q

Nagbigay din ng mensahe si Kris sa mga netizens na namba-bash sa ABS-CBN dahil sa diumano’y hindi pagbibigay ng all out support sa kanyang comeback movie.

“To my supporters- i have 1 request- ako na naman kasi ang mabubutasan pag bi-nash nyo ang ABS CBN dahil sa ramdam ninyong hindi sila sumuporta sa I Love You Hater, ibalato nyo na po sa ‘kin. Nasabi ko naman na buong buo ang loob at paninindigan-inaako ko ang kinalabasan ng kita – kaya kong gawin yun dahil mahabang mahaba pa ang journey ni @garciajoshuae & @juliabarretto.

“They don’t deserve to suffer for having worked w/ me… Mahusay na director si @igisellle & naging mabuti ang trato sa kin ng mga nakatrabaho ko sa @starcinema.

“To paraphrase the dialogue of Sasha: You cannot force someone to love you. You can only choose to keep on loving. So now as Kris- i’ve learned to choose the path of courage, peace & dignity.) #laban!” pahayag pa ng Social Media Queen.

Sa huling IG post ni Kris makikita ang litrato ng kamay na may hawak ng isang bungkos na movie tickets at ibinalita ngang patuloy na lumalakas ang “I Love You, Hater” sa takilya.

“Nilagyan niya ito ng caption na: “A friend sent this, just purchased now… and i got word from @visionerickson that our Saturday & Sunday box office both individually doubled the sales of opening day. We have a faithful & loving God who brought so many angels into my life. Maraming salamat po.”