SIGURADONG mag-eenjoy ang mga pet lovers sa episode ng favorite tambayan ng bayan tuwing Sabado ng umaga sa GMA 7, ang Sarap Diva.
Ipakikilala na ni Regine Velazquez-Alcasid sa mga Kapuso ang kanyang newest baby, ang cute na cute at super talented na si Chanel! This as she welcomes her fellow “pawrents” na sina Solenn Heussaff at Boobay.
Solenn will bring her social media darling pet cat Negroni habang ka-join naman ni Boobay ang kanyang feisty dog na si Kendra.
May makakasama rin silang pet trainer na magtuturo ng ilang useful tips para mas maging disiplinado at masunurin ang kanilang mga alaga. These tips will also help improve the temperament of their pets.
At para naman sa mga Pinoy na mahilig sa maaalat at matatamis na lafang, may ise-share si Solenn na mga healthy alternatives to the usual salty and sweet treats na paborito nating papakin.
Lahat yan at iba pang sorpresa sa Saturday morning tambayan ng pamilyang Pinoy, ang Sarap Diva bago mag-Eat Bulaga sa GMA lang.