ISINUGOD at na-confine pala sa ospital si Luis Manzano dahil sa bronchitis.
Ibinalita ito ng TV host-comedian sa kanyang Instagram account kung saan nag-post pa siya ng litrato kung saan makikita ang kanyang kamay na may nakasaksak na IV needle.
May caption itong, “Hindi masama magpahi-nga. Bronchitis got me.”
Wala pang latest update tungkol sa kundisyon ni Luis, hindi pa siya nagpo-post sa kanyang IG kung nasa ospital pa rin siya o nagpapagaling na sa bahay.
Pero siyempre, kinilig ang mga followers ni Luis nang mag-post ang kanyang girlfriend na si Jessy Mendiola ng sweet message para sa binata.
Mensahe ni Jessy sa kanyang dyowang maysa-kit, “Dito lang ako!” with matching hugging emoji.In fairness, maraming netizens ang nag-promise kay Luis na ipagdarasal ang kanyang mabilis na paggaling.
Comment ni @jadesy007, “God will restore your health soon. Praying for a good person.”
Mensahe naman ni @euladanica, “Pabili ka @luckymanzano ng honey sa lipa kay mommy Vi! Mainam iyon para sure na pure na pure ang honey.”
“Get well soon. Ang hirap ng ganyan lalo na pag my asthma. I hate it when it hits me,” chika naman ni @quiin_aiko.
Paalala naman ni @anguspilot, “Anak ng pitong kuba! Baket? Sorbang workaholic bro! You have to balance. Ingats and We hope you get better soon. – from all of us at Anguspilot Texas BBQ’s.”