JoshLia fans, Team KCA atat nang mapanood ang ‘I Love You, Hater’

By: Ervin Santiago - 6 years ago

JULIA BARRETTO, KRIS AQUINO AT JOSHUA GARCIA

Ngayon pa lang ay atat na atat nang mapanood ng supporters ni Kris at ng fans nina Joshua Garcia at Julia Barretto ang latest offering ng Star Cinema na “I Love You, Hater”.

Showing na ito sa July 11 sa mga sinehan nationwide, directed by Giselle Andres.

Ayon sa Team JoshLia at Team KCA, first day pa lang ay pipila na sila sa sinehan para makauna sila sa chikahan.

Bukod dito, balitang marami nang nagbabalak magpa-block screening ng “I Love You, Hater” kaya ngayon pa lang ay nangangamoy blockbuster na ang comeback movie ng Queen of All Media.