MAAKSIYON ang pagbabalik-teleserye ni Kylie Padilla dahil kabilang na siya sa laging trending na primetime series na The Cure bilang si Adira Aguilar.
Isa naman sa mga nag-comment sa Instagram at bumati sa kanya ay ang dating kapatid sa Encantadia na si Gabbi Garcia. Super happy ang dalaga sa pagbabalik ni Kylie sa telebisyon lalo pa’t muli itong sasabak sa aksyon.
Nakakatuwang makita na hanggang ngayon ay close na close pa rin ang dalawang Kapuso actress kahit matagal nang tapos ang Encantadia.
Pero ano nga ba ang magiging papel ni Adira sa buhay nina Charity (Jennylyn Mercado) at Greg (Tom Rodriguez)? Makatulong kaya siya sa paghanap ng solusyon para hindi na kumalat pa ang killer virus?
Yan ang abangan sa patuloy na pagkalat ng killer virus sa The Cure gabi-gabi after 24 Oras.
Kasama rin sa serye sina Mark Herras, Jaclyn Jose, Jay Manalo at marami pang iba.