Lindol sa Occidental Mindoro

NIYANIG ng lindol na may lakas na magnitude 4.0 ang Occidental Mindoro kaninang umaga.

Ayon sa Philippine Institute of Volcanology and Seismology naramdaman ang lindol alas-6:28 ng umaga. Ang sentro nito ay 20 kilometro sa silangan ng bayan ng Santa Cruz at may lalim na 20 kilometro.

Naramdaman ang Intensity II sa Calapan City at Puerto Galera.

Naitala naman ng instrumento ng Phivolcs ang Intensity III sa Puerto Galera at Intensity II sa Calapan.