MAS magiging kaabang-abang pa ngayon ang afternoon series ng GMA na Contessa pagkatapos ng Eat Bulaga.
Magbabalik na ang mortal na kaaway ni Contessa (Glaiza de Castro) – si Vito Imperial (Gabby Eigenmann) na nagpalit na rin ng kanyang katauhan.
Tinapatan ni Vito ang kaaway niyang si Bea na kilala na ngayon bilang Contessa dahil nagpalit na rin siya ng pagkatao. Siya na ngayon si Duquessa Dolce Vito na mas matapang at mas palaban na ngayon.
Nasaktan at natapakan din ang pagkatao ng kontrabidang si Vito kaya naman sa pagbabalik niya ay siguradong mas marami siyang pasabog na dala. Sinimulan na agad niya ang pagganti kay Contessa, kaya ngayon ay masusubukan na kung hanggang saan ang tapang ng ating bida.
Sino kaya ang magwawagi sa bakbakang Duquessa vs. Contessa? Yan ang tutukan sa pagpapatuloy ng Contessa sa GMA Afternoon Prime.
In fairness, ang galing-galing ni Gabby sa Contessa bilang kontrabida. Na-master na rin niya ang pagganap na bading kaya naman puring-puri siya ng LGBT community sa ipinapakita niyang performance sa nasabing Kapuso serye.
Sabi nga ng isang netizen, “Kailangang mas galingan ngayon ni Glaiza dahil ibang atake na naman ang ipapakita ni Gabby ngayong transgender na ang kanyang character! Kudo sa production!”
Kasama pa rin dito sina Lauren Young, Geoff Eigenmann, Jak Roberto, Phytos Ramirez, Tetchie Agbayani, Chanda Romero, Karel Marquez at marami pang iba.
Ito’y sa direksyon pa rin ni Albert Langitan.