Jackpot na P164M sa Ultra Lotto inaasahang tataas pa

INAASAHANG tataas pa ang P164 milyong jackpot sa Ultra Lotto matapos namang walang tumama sa bola ng 6/58, Martes ng gabi.

Sinabi ng Philippine Charity Sweepstakes Office walang nakakuha sa winning number combination na 48-18-57-09-28-53.

Tatlong mananaya naman ang nanalo ng 280,000 matapos makuha ang limang lumabas na numero.

Tig-P2,380 naman ang tinamaan ng 395 mananaya na nakaapat na numero at balik ang P20 taya ng 10,954 mananaya na nakatatlong numero.

Ang Ultra Lotto ay binobola tuwing Martes, Biyernes at Linggo.