1 patay, 1 sugatan dahil sa away sa NBA game sa Zamboanga City

NAUWI sa karahasan ang diskusyon ng tatlong magpipinsan kaugnay ng resulta ng basketball game sa pagitan ng Cleveland Cavaliers at Golden State Warriors (GSW) sa Barangay San Roque, Zamboanga City.

Nag-iinuman sina Marvin Jordan Macotocruz, 25; Henry Bello Macapili, 28; at Renevie Rose Macapili, 18, habang pinag-uusapan ang resulta ng National Basketball Association (NBA) game, kung saan nanalo ang GSW ng walong puntos laban sa Cavaliers matapos namang umiskor ng 110.

“The discussion soon became heated,” sabi ni Senior Supt. Allan Nazarro, city police director.

Idinagdag ni Nazarro na kumuha si Macotocruz ng kutsilyo sa kasagsagan ng pagtatalo at sinaksak sina Henry at Renevie.

Nasaksak si Henry sa kanyang tiyan, samantalang tinamaan naman si Renevie sa kaliwang hita at kaliwang palad.

Sinabi pa ni Nazarro na dead on arrival si Zamboanga City Medical Center, kung saan din ginagamot si Renevie.

Naaresto naman si Macotocruz at nakakulong sa Zamboanga City Police Station 7 holding cell.

Idinagdag ni Nazarro na nakatakdang kasuhan si Macotocruz.