SANYA LOPEZ AT DERRICK MONASTERIO
SASABAK na nang tuluyan sa pagpapaseksi sa big screen si Derrick Monasterio. Eh, wala naman siyang pakialam magpakita ng hubad na katawan kaya dapat pakinabangan na niya ito, huh!
Sa gagawing movie ni Derrick sa Regal, si Sanya Lopez ang makakapareha niya sa isang adult-theme project titles “Love & Lust.” Isa ring Regal Baby ang Kapuso artist at bahagi ito ng kontratang pinirmahan niya noon sa Regal.
Ginanap kahapon ang storycon at look test ng pelikula. Ang balita namin ay ang magaling na direktora na si Connie Macatuno ang direktor ng bagong Regal movie – siya ang gumawa ng napakagandang Sylvia Sanchez starrer na “Mama’s Girl.”
Wholesome man ang role ni Derrick sa on-going GMA series na Inday Will Always Love You, change image naman siya pagdating sa big screen. Sabi nga ng aktor handang-handa na siya sa mga maiinit na eksena nila ni Sanya.