MINSAN pang nagpalutang ng kamalditahan ang isang female personality sa katatapos lang ganaping malaking pagtitipon ng mga musikero. Maraming artista sa selebrasyon, dalawa-singko ang mga sikat na personalidad, isa ang malditang young actress na ito sa mga dumalo.
Pagdating pa lang niya ay parang naghahanap na siya ng atensiyon, para siyang aligaga na lakad nang lakad, parang excited siya na ninenerbiyos na ewan.
Kuwento ng aming source, “Meron kasing red carpet, Hollywoodish ang dating ng okasyon. Du’n sa red carpet dumadaan ang mga artista at du’n na rin sila ini-interview.
“Ang gaganda nila, kani-kanyang preparation sila sa awards night. Talagang pinaghandaan nila ang occasion. Pabonggahan ang peg ng mga nagdatingang stars and awardees.
“Heto na ang malditang young actress, talagang pinanindigan na niya ang pagiging maangas at maldita. Dumaan naman siya sa red carpet, naglakad naman siya, pero nagmamadali siya, ayaw niyang magpa-interview!
“Siya lang ang nag-iisang ganu’n ang ginawa, nagmamadali siya na parang hinahabol ng aso, talagang hindi siya nagpa-interview sa mga reporters at bloggers na nakaabang sa mga naglalakad na stars sa red carpet.
“Kinabog niya talaga ang mga Hollywood stars na sikat na sikat pero nagpapa-interview at nagpapa-picture habang nasa red carpet. Pero ang isang ito, talaga namang feeling niya sa sarili niya, e, talagang sikat na sikat na siya at hindi na kailangan pang magpa-interview!” naiiritang kuwento ng aming source.
Palaging ganu’n ang young actress, umiiwas siya sa karaniwang ginagawa ng mga artista, ang tingin ng young actress na ito sa kanyang sarili ay iba siya sa iba.
“Kaya hindi siya puwedeng mag-deny tungkol sa kamalditahan niya, ‘yun talaga siya, may kaangasan at maldita ang babaeng ‘yun!
“Ano tuloy ang nangyari sa kanya? Ayun, tsinugi tuloy siya sa serye, tigok agad ang drama niya, dahil sa ugali niya na siya lang ang nakakaintindi! Nakakaloka ang young actress na ‘yun!” pagtatapos ng aming source habang iling nang iling.
Ano, Bradly Guevarra at Tita Nene Ulanday, getlak n’yo na kung sino ang malditang female personality na itey?