May hugot: Cristine in-unfollow ang asawa sa IG

IN-unfollow ni Cristine Reyes sa Instagram ang kanyang asawang si Ali Khatibi.

Kaya naman ang tanong ng kanilang social media followers, totoo nga kayang may pinagdaraanan na namang matinding problema ang dalawa? True raw ba na hiwalay na sila?

Bukod sa pag-unfollow ni Cristine sa IG ni Ali, napansin din ng mga netizens na wala nang ipino-post ang aktres na mga litrato nila ng asawa. Nitong mga nakalipas na araw, puro picture nila ng kanyang anak na si Amarah sa beach ang makikita sa kanyang IG.

Limang tao lang ang pina-follow ni Cristine sa Instagram ngayon at wala roon ang kanyang asawa.

Pina-follow pa rin naman ni Ali si Cristine sa IG pero wala rin siyang ipino-post na litrato nila ng kanyang misis.