PANALO ang gagawing horror movie ng Kapuso stars na sina Tom Rodriguez, Inah de Belen at Jasmine Curtis-Smith, ang “Maledicto.” Aba, ito’y ipo-produce lang naman ng Fox Philippines, huh!
Naganap na ang storycon ng pelikula last May 5 at inilabas nga ni Jamine sa kanyang Instagram account ang good news.
Kasama rin nila sa pelikula sina Noni Buencamino, Tonton Gutierrez, Liza Lorena, Matt Escudero, Franco Laurel, Miles Ocampo at Menggie Cobarubias.
Mula sa direksyon ni Mark Meily ang “Maledicto.” Ibig sabihin mas magiging busy pa ngayon si Tom dahil pagsasabayin niya ang shooting ng kanyang horror movie at ang umeere ngayong GMA series na The Cure.
q q q
Doing well na ang kalagayan ni Gary Valenciano matapos sumailalim sa heart by pass. Ayon sa mga report, nakaramdam si GV ng pagsisikip ng dibdin matapos ang isang number kasama ang anak kaugnay ng isang event na pinuntahan.
Isa ang kaibigan ni Gary na si Ogie Alcasid sa nag-post sa Instagram ng mensahe para kay GV.
“Dear bro, you will definitely be back stronger!!! We are all here for you and cheering you on your full recovery!!! God be praised for your beautiful faith. We love you bro!” mensahe ni Ogie.
Nagpaabot din ng get well soon message si Derek Ramsay at iba pang nagmamahal kay Gary V.
Praying for your speedy recovery, Gary V!