IBINANDERA na ang mga nominado sa iba’t ibang kategorya para sa 66th edition ng Filipino Academy of Movie Arts and Sciences (FAMAS).
Sa ginanap na mediacon kamakalawa, humarap ang veteran at award-winning screenwriter na si Ricky Lee sa mga miyembro ng entertainment media bilang head ng Selection Committee at ng independent jury composed of movie practitioners at academicians, na siyang pipili ng mga winners.
Kasama rin sa ginanap na presscon ang Megavision Films producer na si Madonna Sanchez, ang FAMAS 2018’s executive producer.
Ang FAMAS Awards Night 2018 ay magaganap sa June 10, 2018 sa The Theatre Solaire, sa Parañaque City. Ang Film Development Council of the Philippines na pinumumunuan ni Chairman Liza Dino ang official government partner ng FAMAS 2018.
Maglalaban-laban ngayong taon para sa Best Picture ang “Respeto,” “Birdshot,” “Ang Larawan,” “Tu Pug Imatuy (The Right To Kill),” “Love You To The Stars And Back,” “Balangiga: Howling Wilderness,” “The Chanters,” at “Yield”.
Nominado naman sa kategoryang Best Director sina Treb Monteras (Respeto), Mikhail Red (Birdshot), Arnel Barbarona (Tu Pug Imatuy/The Right To Kill), Antoinette Jadaone (Love You To The Stars And Back), Thop Nazareno (Kiko Boksingero), Khavn dela Cruz (Balangiga: Howling Wilderness), Shireen Shireen Seno (Nervous Translation) at sina Victor Delotavo Tagaro at Toshiko Uriu (Yield).
Ang mga maglalaban-laban naman sa pagka-best actress ay sina Iza Calzado (Bliss), Maja Salvador (I’m Drunk, I Love You), Agot Isidro (Changing Partners), Max Eigenmann (Kulay Lila Ang Gabi Na Binudburan Pa Ng Mga Bituin), Julia Barretto (Love You To The Stars And Back), Gloria Diaz (Si Chedeng At Si Apple), Nathalie Hart (Historiographika Errata) at Dexter Doria (Paki).
Para sa Best Actor, nominado sina Dingdong Dantes (Seven Sundays), Jojit Lorenzo (Changing Partners), Abra (Respeto), Justine Samson (Balangiga: Howling Wilderness), Nonie Buencamino (Smaller And Smaller Circles), Hereco (What Home Feels Like), Allen Dizon (Bomba), Noel Comia, Jr. (Kiko Boksingero), Joshua Garcia (Love You To The Stars And Back) at Timothy Castillo (Neomanila).
Sino naman kaya ang tatanghaling 2018 FAMAS Best Supporting Actress kina Odette Khan (Barboys), Chai Fonacier (Respeto), Adrienne Vergara (Bliss), Irma Adlawan (What Home Feels Like), Thea Yrastorza (Respeto), Angellie Sanoy (Bomba), Yayo Aguila (Kiko Boksingero), at Cristine Reyes (Seven Sundays)?
Bakbakan naman para sa Best Supporting Actor sina Dido dela Paz (Respeto), Aga Muhlach (Seven Sundays), John Arcilla (Birdshot), Robert Arevalo (Ang Larawan), Edgar Allan Guzman (Deadma Walking), Mon Confiado (Mga Gabing Kasinghaba Ng Hair Ko), Jess Mendoza (Sa Gabing Nanahimik Ang Mga Kuliglig), Ricky Davao (Paki) at Loonie (Respeto).
Bibigyan naman ng Lifetime Achievement Award ang premyadong direktor na si Lav Diaz. – EAS