Ellen nanganak na raw sa panganay nila ni John Lloyd
ELLEN ADARNA
KUMALAT sa social media ang balitang nanganak na si Ellen Adarna sa panganay nila ni John Lloyd Cruz ngunit hanggang ngayon ay wala pa ring kumpirmasyon mula sa magdyowa.
Kahapon, naging usap-usapan naman sa social media ang Instagram post ng beauty queen na si Sofia Romero. Parang kinumpirma na rin kasi nito na certified mommy na nga si Ellen.
Nag-post kasi ito ng throwback photo ni Ellen na may caption na: “3 years na pala to. #lodi #ellenadarna Congrats on motherhood. Ikaw ang nagwagi.” Kahapon, deleted na ang IG post ni Sofia.
Mula noong mapabalitang magdyowa sina Ellen at John Lloyd wala pa silang diretsong pag-amin tungkol sa kanilang relasyon at sa pagbubuntis ng sexy star.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.