Derrick: Ako ang pinakabata, pinaka-juicy!
DERRICK MONASTERIO, DAVE BORNEA, JAK ROBERTO, ROCCO NACINO, TEKLA AT DONITA NOSE
SPEAKING of “OH, BOY! & OH, LOL!”, promise nina Derrick Monasterio, Jak Roberto, Dave Bornea at Rocco Nacino na mas magiging “wild and wet” ang mga production number na gagawin nila sa second leg ng kanilang concert.
Sa unang pasabog ng nasabing concert noong 2016, ang nakasama nina Derrick at Rocco ay sina Aljur Abrenica at Jake Vargas. Pero in fairness, palaban din sa stage ang ipinalit sa kanilang sina Jak at Dave.
Ayon sa apat na Kapuso hunk, siguradong mabubusog at magpipiyesta ang mga manonood sa mga ihahain nilang “putahe” during the concert. Sabi nga ni Derrick, talagang kinakarir nila ngayon ang pagpapaganda ng katawan para sa proyektong ito.
“We have to work out longer hours so we can look our best come concert night. We promise to tickle your senses!” sey pa ni Derrick na magpapakita raw ng kanyang “cute and hot” nipples sa kanyang fans, bukod pa ‘yan sa kanyang abs at mamasel na katawan.
Chika naman ni Jak, “The show is a collaborative effort between every one of us, and I am just happy to have been asked to be part of this really fun show. Basta ang gusto lang namin, mag-enjoy sila!”
Hirit naman ni Rocco na palaban din sa pagpapaseksi on stage, “We are preparing not just for our individual acts but also the production numbers that we have carefully chosen for the audience. One thing I assure you, it will not just be a musical and comic delight but also visually entertaining.”
Sey naman ni David, “Just to be part of the lead performers already means a lot to me, and I am just too excited for this show! Please watch out for our numbers!”
Nang tanungin kung anu-ano ang pagkakaiba nilang apat, sagot ni Derrick, “Ako yung pinakamatangkad and ako yung pinakabata so, ako yung pinaka-Juicy.”
Hirit naman ni Jak, “Siguro for me daanin nalang natin sa performance!”
“Of course, bilang bago ako yung pinaka-fresh, pinakanakakatakam and pinaka-cute at syempre best performer,” sabi naman ni Dave.
Sagot naman ni Rocco, “Ako ang pinakamatanda! Ha-hahaha! At ako ang pinaka-wise sa kanila dahil matagal na ako sa industriya. I can come up with a lot of ideas on the spot!”
At dahil nga nandiyan din sina Donita Nose at Tekla, siguradong masa-shock ang mga bading sa mga gagawin nila kasama ang apat na Kapuso hunk! May mga darating din daw na surprise special guests sa one night only concert na ito na ididirek ni Marvin Caldito.
“OH, BOY! & OH, LOL!” is produced by CCC Productions, na siya ring nasa likod ng matagumpay na concert nina Vice Ganda, Julie Anne San Jose, Kyla at Alden Richards.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.