“NGAYON alam na namin kung bakit mo sila kinabibiliban, kung bakit mo sila ipinagmamalaki!”
Ito ang isa sa mga pahayag ng follower ni Marvin Agustin sa litrato ng Kambal, Karibal lead stars na sina Kyline Alcantara at Bianca Umali na kanyang in-upload kamakailan.
Matapos kasi ang buwis-buhay na stunts na ginawa ng dalawang Kapuso stars sa nasabing GMA Primetime series kung saan kinunan sa kalagitnaan ng dagat, kitang-kita na sinang-ayunan na agad ng mga fans ang naging paghanga ni Marvin sa dalawa kasama na si Pauline Mendoza.
Dagdag pa ng mga netizens, hindi raw talaga matatawaran ang professionalism ng mga ito. Aksyon, iyakan, tawanan o pagpapakilig, gagawin nila ng buong-puso kahit saan man ang maging location.
Abangan ang mas intense at punung-puno ng emosyon na mga tagpo sa Kambal, Karibal ngayong tila nawawala na sina Crisel at Crisan matapos subukang iligtas si Geraldine (Carmina Villaroel). Magkaroon pa kaya ng happy ending ang kanilang pamilya?
Tutok lang sa Kambal, Karibal sa GMA Telebabad pagkatapos ng Sherlock Jr..