Taga-Santa Ana, Maynila naka-jackpot ng P104.2M sa Super Lotto

Isang mananaya sa Santa Ana, Maynila ang nanalo ng P104.2 milyong jackpot prize ng Super Lotto 6/49 sa bola kagabi.

Ayon sa Philippine Charity Sweepstakes Office ang nanalo ay tumaya sa lotto outlet sa Pedro Gil, Santa Ana.

Siya ang nag-iisang nakakuha sa winning number combination na 44-24-37-27-48-09.

Ang nanalo ay mayroong isang taon para kunin ang kanilang premyo.

Samantala, nanalo naman ng tig-P70,000 ang 20 mananaya na nakalimang numero. Tig-P1,160 naman ang 1,057 mananaya na nakaapat na numero at balik ang P20 taya ng 21,049 mananaya na nakatatlong numero.

Ang Super Lotto ay binobola tuwing Martes, Huwebes at Linggo.