Labi ng mangingisda natagpuan sa karagatan ng Bohol

NATAGPUAN ng mga otoridad ang labi ng isang mangingisda na iniulat na nawawala noong isang linggo sa bayan ng Candijay, Bohol.

Lumulutang ang katawan ni Alfredo Balbuena sa bisinidad ng Lonod Reef sa Barangay Cogtong sa Candjay nang matagpuan ng mangingisdang si Christopher Penaso ganap na alas-8 ng umaga kahapon.

Agad na inalerto ni Penaso ang mga otoridad, ayon kay Jeryl Lacang-Fuentes, head ng municipal disaster risk and reduction management office (MDRRMO).

Narekober ang katawan ni Balbuena ng isang team mula sa Philippine National Police (PNP)-Candijay, Philippine Coast Guard (PCG), MDRRMO at Bantay Dagat ganap na alas-10:30 ng umaga kahapon,

May lagnan si Balbuena, 40, nang umalis sa ng bahay noon Marso 14. Residente si Balbuena ng Baranay Can-olin, Cadijay. Inquirer